Psa 25 | PONPDN | STEP | MAING, I kin inong iong komui.

Psalms 25

1 MAING, I kin inong iong komui.
2 Ai Kot, I liki komui, sauasa ia, pwe I ender sarodi, o ai imwintiti kan ender peren kida.
3 Pwe karos me liki komui, sota pan sarodi, a me pan muei sang komui pan sarodi.
4 Maing, kom kotin kasale ong ia al omui kan, o kotin padaki ong ia omui tiak kan;
5 Kalua ia ni omui melel o kalolekong ia! Pwe komui ta ai Kot, me kin sausa ia, ran karos, I kin auiai komui.
6 Maing, kom kotin tamanada omui kalangan o omui kapunglol, me tapidar mon kaua.
7 Re der kotin kupura dip en ai tikitik o ai sopeik; a kupure ia ni ar kupunglol o kalangang! Maing Ieowa.
8 Ieowa me mau o lelapok, I me a kotin padaki ong me dipan akan pon al o.
9 A kin kalua pung me luet akan, o a kotin padaki ong me luet akan al a.
10 Al en Ieowa kan me dir en kalangan o melel ong ir, me kin kolekol a inau o masan akan.
11 Maing, kom kotin maki ong ai ai sapung kan me lapalap, pweki mar omui.
12 Is ol, me kin Ian Ieowa? A pan kotin padaki ong I duen al o, me a en pilada.
13 NGen e pan mi wasa mau o kaudaudok a pan aneki sap o.
14 Ieowa kompoke pan me kin lan i, a pan kotin padaki on I duen a inau.
15 Mas ai kin ariri Ieowa ansau karos, pwe a pan kotin sau karos, pwe a pan kotin lapwada na I kat sang nan insar.
16 Kom kotin masan dong ia, pwe ngai sapoupou o luet.
17 Masak en mongiong I laluedalar; kotin kalua ia sang nan ai apwal akan!
18 Kom kotin mangi ai luet o ai kankangeranger, o kotin maki ong ia dip ai kan karos!
19 Kom kotin mangi duen ai imwintiti kan, pwe re me toto, o re kin kailong kin ai ni ar aklapalap.
20 Kom kotin sinsila ai maur o dore ia la, kom kotin apwali ia, pwe I der namenokala, pwe I kin liki komui.
21 Melel o pung en sinsila ia, pwe I auiaui komui.
22 Maing Kot, kom kotin dorela Israel san nan ar apwal akan karos!